صاحب القداسة

صاحب القداسه

شعر / محمود عبد الحليم

ياصاحب القداسه ..

ايها الوعل الذى ..

إستولى على كرسى الرياسه ..

انت لزقت ولا .. الكرسى لازق فيك ..

انت عرفت .. الشعب كاره ليك ..

وازاى مصمم تستكمل المده ..

رغم ان عصرك .. انتهى بايديك ..

تلاتين سنه .. كلها كذب وخداع ..

وعميل أرارى .. ولك كتير حواديت ..

خليت بلدنا عزبه خاصه لحضرتك ..

ولكلابك .. ولحبايبك اسرتك ..

سايب عصابتك ينهبونا ..

يسرقونا ويخبطوا تخبيط ..

وانت اللى غرقان فى النعم ..

والعطايا والمنح ..

والرشاوى والخيانه شىء مقدس ..

لاحد يقدر يسألك ..

أو يوم يحاسبك ثروتك ..

مصدرها ايه ..

والشعب قاعد ع الكفاف ..

ومحاسيبك القطط السمان اتذأبوا ..

وان حد حاول يشتكى ..

مايلاقى الا السخريه والاحتقار ..

واتسلى ياصاحب القداسه ..

بالكبار وبالصغار ..

مانت المنزه م المحاسبه والمسائله باختصار ..

ملعون ابوه اللى يبص لكلب من تلك الكلاب ..

ومفكرين ان احنا حاسدينهم ع النعم ..

بالعكس احنا كلنا ..

كارهين وجودك ونحب ليك ابشع مصير ..

لانك عديم الشعور .. وعمرك ماحاتحس بندم ..

تسمحلى يا صاحب القداسه اسألك ..

يوم المنصه ..

اشمعنى كل اللى معاك جنب السادات استشهدوا ..

وانت الوحيد اللى نجيت م المعمعه ..

وازاى ياحوحو كان انتقال ..

السلطه سهل لحضرتك ..

وازاى سى زفت الغير شريف ..

ظل فى فى مكانته بصحبتك ..

وازاى صراصير الرئاسه استأسدوا ..

فى عهدك الباغى الكريه ..

جوه الوطن ..

لو انت جد .. عندك ضمير ..

سيب الرئاسه لحد تانى يكون لنا ..

مخلص امين ويصون كرامة شعبنا ..

ماكفايه ملينا الوجوه المقرفه ..

والسخريه بحال البشر ..

ارحل بقى ..

وكفايه تعذيب للعباد ..

الناس صحيح ..

ياكتله من صخر وجليد كرهتك ..

ولاعاد فى القلوب ..

ذرة كرامة لحضرتك ..

إرحل بقى ..

إرحل بقى ..

( محمود عبد الحليم )